31-May-2022-تحریری مقابلہ(Opne) اسلام کی روشن تعلیمات، ویب سیریز ٣، دین اسلام کا اعجاز اور یتیموں ک

Faraz Faizi

Add To collaction

31-May-2022-تحریری مقابلہ(Opne) اسلام کی روشن تعلیمات، ویب سیریز ٣، دین اسلام کا اعجاز اور یتیموں ک

بقلم: فرازفیضی کشنگنجوی

مذہب اسلام نے اپنی روشن تعلیمات اور احکامات کے ذریعہ مختلف شعبہائے زندگی میں جس قدر اپنے ماننے والوں کے لئے کامیابی کی راہیں ہموار کر دیا ہے اس کی مثال دنیا کے کسی بھی مذہب میں نہیں ملتی۔ جس طرح ماں باپ (جو کہ ہمارے وجود کے ظاہری سبب بنے) سے لے کر خاندانی افراد سے ہوتے ہوئے آس پاس بسنے والے پڑوسیوں کے حقوق کی پاسداری کرنے کرنا سکھیا اسی طرح یتیموں کے حقوق اور انکے ساتھ بھلائی کا حکم دیا۔ ان کا مال غصب نہ کرنے کی تلقین کی، اور ان کے ساتھ بھلائی نہ کرنے والوں کیلئے خدائی عذاب سے بھی ڈرایا۔ایسا اس لئے کہ دورِ جاہلیّت میں یتیموں کے بارے میں اہلِ عرب کا طریقہ یہ تھا کہ وہ ان کے مالوں پر قبضہ کر لیتے ،ان پر دباؤ ڈالتے اور ان کے حقوق کے معاملے میں ان کے ساتھ زیادتی کیا کرتے تھے، تو آیت مبارکہ اتاری :فَاَمَّا الْیَتِیْمَ فَلَا تَقْهَرْ" ترجمہ کنزالایمان: تو یتیم پر دباو نہ ڈالو" اس آیت میں اللّٰہ تعالیٰ نے اپنے حبیب صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ سے ارشاد فرمایا کہ اے پیارے حبیب! صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ ،آپ کسی بھی صورت یتیم پر سختی نہ فرمائیے گا۔( خازن، الضحی، تحت الآیۃ: ۹، ۴ / ۳۸۷)

دین ِاسلام کو یہ اعزاز حاصل ہے کہ اس نے یتیموں کے حقوق واضح کئے،ان کے چھینے ہوئے حق انہیں واپس دلائے اور عرصۂ دراز سے یتیموں پر جاری ظلم و ستم کا خاتمہ کیا ۔یتیموں کے بارے میں دین ِاسلام نے مسلمانوں کو کیسی عمدہ تعلیم دی ہے اس کی کچھ جھلک ملاحظہ ہو۔

یتیموں کے مال کے بارے میں احکام خداوندی : ’’وَ لَا تُؤْتُوا السُّفَهَآءَ اَمْوَالَكُمُ الَّتِیْ جَعَلَ اللّٰهُ لَكُمْ قِیٰمًا وَّ ارْزُقُوْهُمْ فِیْهَا وَ اكْسُوْهُمْ وَ قُوْلُوْا لَهُمْ قَوْلًا مَّعْرُوْفً" الی آخر الآیة۔(النساء:۵، ۶) ترجمۂ کنزُالعِرفان: اورکم عقلوں کوان کے وہ مال نہ دوجسے اللّٰہ نے تمہارے لئے گزر بسر کا ذریعہ بنایاہے اور انہیں اس مال میں سے کھلاؤ اور پہناؤ اور ان سے اچھی بات کہو۔اور یتیموں (کی سمجھداری)کو آزماتے رہو یہاں تک کہ جب وہ نکاح کے قابل ہوں تو اگر تم ان کی سمجھداری دیکھو تو انکے مال ان کے حوالے کردو اور ان کے مال فضول خرچی سے اور (اس ڈر سے)جلدی جلدی نہ کھاؤ کہ وہ بڑے ہو جائیں گے اور جسے حاجت نہ ہو تو وہ بچے اور جو حاجت مند ہو وہ بقدرمناسب کھاسکتا ہے پھر جب تم ان کے مال ان کے حوالے کرو تو ان پر گواہ کرلو اور حساب لینے کے لئے اللّٰہ کافی ہے ۔

قارئین معزز! آیت مبارکہ سے پتہ چلا ( ١ )جس کسی کے ذمہ یتیم کی پروش ہو اسے چاہئے کہ بڑے احتیاط سے حکم الہی کی بجا آوری کرے کسی کم عقل کو یہ ذمہ نہ سونپ دے! کیوں کہ یہ اس شخص کے گزر بسر کا ذریعہ بھی ہے۔ ( ٢ ) ان کے مال سے ہی ان کھانے پینے اور پوشاک کا انتظام کرے (٣ ) ان سے گفتگو میں نرمی رکھے، اچھی بات کہے، گالی گلوچ یا طعنہ کشی نہ کرے ( ۴ ) جب تک یتیم نکاح کے قابل نہ ہو جائے اس کی سمجھداری کو پرکھا جائے اگر وہ اپنے معمولات زندگی کو چلانے کے قابل پائے جائیں تو ان کے مال (جو مرنے والے نے چھوڑا ہے) انکے سپرد کر دے۔ ( ۵ بہت سے لوگ یہ قبیح سوچ رکر یتیموں مال کھاتے اور فضول اڑاتے ہیں کہ وہ جلد بڑے ہوگئے تو ان کو دینا پڑے گا!! جب کہ وہ خود مال دار ہوتے ہیں لیکن لالچ ہونے بنا پر یہ گناہ کرتے ہیں۔تو اس سے بھی روکا گیا۔ ( ٦ ) کسی ایسے شخص کے ذمہ یتیم کی پرورش آئی کہ وہ خود محتاج ہے تو اب اسے اجازت ہے کہ وہ اس مال سے بقدر حاجت کھا سکتا ہے ورنہ نہیں۔ ( ٧ ) جب یتیموں کو ان کے مال دئے جائیں تو لازم ہے کہ کچھ لوگوں کو گواہ بنایا جائے تاکہ بعد میں اس پر انکار کی صورت پیدا نہ ہو، ایسا ہونے پر وہ گواہان کافی ہوں گے اور نہیں ہوئے تو پھر اللہ عزوجل حساب لینے کیلئے کافی ہے۔۔۔۔

Profile	Name	View
	Seema Priyadarshini sahay	View
	Niraj Pandey	View
	Swati chourasia	View
	Inayat	View
	Ali Ahmad	View
	Karan	View
	Amir	View
	Milind salve	View
	Neelam josi	View
	Mamta choudhary	View
	Arshik	View
	Anuradha	View
	Anam ansari	View
	Neha syed	View
	Aliza	View
	Maya Chaudhary	View
	Atufa	View
	Shnaya	View
	Rahman	View
	Gunjan Kamal	View
	Manzar Ansari	View
	Simran Bhagat	View
	fiza Tanvi	View
	asma saba khwaj	View
	Fareha Sameen	View
	Raziya bano	View
	पृथ्वी सिंह बेनीवाल	View